کیمی نوکر کیمی بَی دی
کیمی غم غصّه لَر اَیدی
باشیم داشدان داشا دَیدی
آمان دوُنیا یالان دوُنیا
کیمی الوان حریر گِئیدی
کیمی باخ گؤر کی کیم سؤیدی
فلک یالقیز منی دؤیدی
آمان دوُنیا یالان دوُنیا
اوُمید لَر گوُل کیمی سولدی
سینَم اندوهیلن دولدی
عؤموُر باغیم خزان اولدی
آمان دوُنیا یالان دوُنیا
یاریمادیم نه یاردان من
نه یاردان نه دیاردان من
هارا گَلدیم گؤر هاردان من ؟
آمان دوُنیا یالان دوُنیا
نظرات شما عزیزان:
|